لاہور پولیس نے دفاتر اور دکانوں پر جانے والے شہریوں سے لوٹ مار کرنے والے سالا بہنوئی کو گرفتار کرلیا۔تفصیل کے مطابق گلبرگ پولیس نے خفیہ اطلاع پر فردوس مارکیٹ سے 2 رکنی گروہ کو گرفتار کرلیا جو دکانوں اور دفاتر کو جانے والے شہریوں سے لوٹ مار کرتے تھے۔ دونوں ملزمان آپس میں سالا بہنوئی ہیں۔ملزمان سالا اور بہنوئی علی الصبح 4 سے 8 بجے کے دوران وارداتیں کرتے تھے ۔ملزمان نے 4 ماہ قبل گارڈن ٹان میں ڈکیتی مزاحمت پر دکاندار کو فائرنگ کرکے زخمی کردیا تھا۔ اس واقعے کی فوٹیج میں دکاندار سے ہاتھاپائی اور فائرنگ سے زخمی کرکے فرار ہوتے دیکھا جا سکتا ہے ۔ایک اور فوٹیج میں بھی ملزمان کو دفتر جاتے شہری سے واردات کرتے دیکھا جا سکتا ہے ۔ ملزمان داد اور سنی مسیح سے ہزاروں روپے نقدی، 2 پستول، 3 موبائل فون اور چوری شدہ 125موٹر سائیکل برآمد کرلی گئی۔ایس پی ماڈل ٹان اخلاق اللہ تارڑ نے کہا ہے کہ اسٹریٹ کرمنلز کے خلاف انٹیلی جنس بیسڈ کارروائیاں جاری ہیں۔

کریڈٹ: انڈیپنڈنٹ نیوز پاکستان-آئی این پی