لاہور کی مانگا منڈی میں پیسوں کے عوض 12 سالہ بچی کی بڑی عمر کے مرد سے شادی کی کوشش ناکام ہوگئی۔پولیس کے مطابق 15 پر کال پر رائیونڈ پولیس نے بروقت کارروائی کرتے ہوئے زبردستی شادی کرانے والی ماں سمیت دولہا، گواہ اور قاری کو گرفتار کرلیا۔پولیس کے مطابق واقعے کی اطلاع 12 سالہ بچی رانی کے بھائی محمد شریف نے دی تھی۔بھائی نے پولیس کو بتایا کہ والدہ پیسوں کے لیے 12 سالہ بہن کی شادی بڑی عمر کے مرد سے کروا رہی ہیں، بچی کو دارالامان کے حوالے کرکے ذمہ داران کیخلاف کارروائی شروع کردی گئی ہے۔بروقت کارروائی کرنے پر ایس پی صدر ڈاکٹر غیور احمد خاں نے پولیس ٹیم کو شاباش دی اور کہا کہ خواتین اور بچوں کا استحصال کسی صورت برداشت نہیں کیا جائے گا۔

کریڈٹ: انڈیپنڈنٹ نیوز پاکستان-آئی این پی