لاہور کے علاقے ٹائون شپ میں 9 سالہ ابراہیم سے بدفعلی اور قتل کا معمہ حل ہوگیا، سگے چچا نے بدفعلی کے بعد بچے کو قتل کیا، پولیس نے ملزم نایاب عرف احمد کو گرفتار کرلیا۔ میڈیارپورٹ کے مطابق لاہور پولیس نے ٹائون شپ کے علاقے میں بدفعلی کے بعد قتل کیے گئے 9 سالہ ابراہیم کا کیس حل کردیا، بچے کو بدفعلی کے بعد پھانسی دے کر قتل کیا گیا تھا۔ڈی آئی جی انویسٹی گیشن سید ذیشان رضا نے قتل کی اس سنگین واردات کا نوٹس لیا تھا اور ایس پی صدر انویسٹی گیشن کی سرابراہی میں پولیس کی تحقیقاتی ٹیم تشکیل دی تھی۔انچارج انویسٹی گیشن تھانہ ٹان شپ نے ٹیم کے ہمراہ کارروائی کرکے ملزم نایاب عرف احمد کوگرفتارکرلیا۔انچارج انویسٹی گیشن ٹائون شپ عبدالرحمن خاور کے مطابق ملزم نے سگے بھتیجے 9سالہ ابراہیم کوبدفعلی کے بعد رسی کا پھندا ڈال کر بے دردی سے قتل کیا اور لاش ملنے سے لے کر تدفین تک تمام کارروائی میں گھر والوں کیساتھ ساتھ رہا۔انچارج انویسٹی گیشن کے مطابق ملزم کوجدید ٹیکنالوجی سمیت پیشہ ورانہ صلاحیت کو بروئے کارلاتے ہوئے گرفتارکیاگیا۔ڈی آئی جی انویسٹی گیشن سید ذیشان رضا شاہ کا کہنا ہے کہ ملزم کے خلاف مضبوط چالان مرتب کرکے سخت سزا دلوائی جائیگی، قانون شکن عناصر سے آہنی ہاتھوں کیساتھ نمٹاجائیگا۔ایس ایس پی انویسٹی محمدنوید نے کیس کو کامیابی سے حل کرنے پر پولیس ٹیم کے لیے تعریفی اسناد کا اعلان کیا ہے۔

کریڈٹ: انڈیپنڈنٹ نیوز پاکستان-آئی این پی