بھارت کی خفیہ ایجنسی (را) کے سابق سربراہ اے ایس دولت نے کہا ہے کہ کشمیر میں آزادی کی جدوجہد مقامی افراد کررہے ہیں، تحریک میں کوئی بیرونی ہاتھ ملوث نہیں'آزادی کی تحریک بھی مقامی افراد کی امنگوں کی ترجمانی ہے اور اب حالات بھارت کے ہاتھ سے باہر جارہے ہیں' مقبوضہ کشمیر کی صورت حال یکسر تبدیل ہوگئی 'حالات معمول پر نہیں 'اس حوالے سے حکومتی دعوے بے بنیاد ہیں 'بڑھتے مسائل کی بڑی وجہ وزیر داخلہ امیت شاہ کی چالاکیاں ہیں۔ انڈین میڈیا کو دیئے گئے انٹرویو میں ان کا کہنا تھا کہ مقبوضہ کشمیر کی صورت حال یکسر تبدیل ہوگئی ہے،آزادی کی تحریک بھی مقامی افراد کی امنگوں کی ترجمانی ہے اور اب حالات بھارت کے ہاتھ سیباہر جارہے ہیں، مقبوضہ کشمیر میں حالات معمول پر نہیں اس حوالے سے حکومتی دعوے بے بنیاد ہیں جبکہ بڑھتے ہوئے مسائل کی ایک بڑی وجہ وزیر داخلہ امیت شاہ کی چالاکیاں ہیں۔ انہوں نے کہا کہ مقبوضہ کشمیر میں بھارتی فورسز کی انٹیلی جنس اب اتنی موثر نہیں رہی جتنی پہلے تھی، بھارتی فوج کے حوصلے پست ہورہے ہیں جسے دنیا دیکھ رہی ہے، مقبوضہ کشمیر کے حالات معمول کے مطابق دکھانے کا مقصد ایک متنازع علاقے میں جی 20 کانفرنس منعقد کرنے کا جواز پیش کرنا ہے۔

کریڈٹ: انڈیپنڈنٹ نیوز پاکستان-آئی این پی