ضلع کرم میں مسافر گاڑیوں پر حملے میں جاں بحق 42 افراد کی میتیں پارا چنار پہنچا دی گئیں جہاں نماز جنازہ کی ادائیگی کے بعد آبائی علاقوں کیلئے روانہ کردیا گیا ۔خوفناک حملے میں بڑی تعداد میں اموات پر پارا چنار میں سوگ کی فضا ہے اور تاجر برادری نے مکمل شٹر ڈائون کا اعلان کررکھا تھا ۔شہر میں کاروباری مراکز اور بازار بند رہے ۔ واضح رہے گزشتہ روز لوئر کرم میں مسافر گاڑیوں پر نامعلوم افراد کے حملے میں خواتین اور بچوں سمیت 42 افراد جاں بحق اور 30 زخمی ہو گئے تھے تاہم حملے کی ذمہ داری کسی نے قبول نہیں کی تھی۔

کریڈٹ: انڈیپنڈنٹ نیوز پاکستان-آئی این پی