کراچی کے علاقے جٹ لائن بھنگی پاڑہ میں گولی لگنے سے ایک شخص قتل ہوگیا۔پولیس کو دئیے گئے بیان میں مقتول کے والد نے بتایا کہ مقتول جگدیش گھر میں دروازہ کھول کر داخل ہوا اور گر گیا، جگدیش کا بھائی اسے اسپتال لے کر گیا تو معلوم ہوا کہ جگدیش کو دل پر گولی لگی ہے۔ پولیس کے مطابق یہ معاملہ پراسرار ہے کہ مقتول کو گولی کیسے لگی؟ تاہم پولیس کا کہنا ہے کہ کچھ لوگوں کے مطابق گولی کی آواز آئی تھی۔پولیس نے پراسرار قتل کے واقعے سے متعلق تفتیش شروع کردی ہے اور قتل کی اصل وجہ جاننے کی کوشش کی جا رہی ہے۔

کریڈٹ : انڈیپنڈنٹ نیوز پاکستان-آئی این پی