کراچی میں جیولری شاپ کی آڑ میں غیر ملکی کرنسی کا دھندا پکڑا گیا، 40 ہزار ڈالر برآمدجیولری شاپ پر غیر ملکی کرنسی کے عوض سونا اور پاکستانی کرنسی دی جاتی تھی۔تفصیل کے مطابق ایف آئی اے نے کراچی کے پوش علاقے کلفٹن میں جیولری کی دکان کی آڑ میں غیرملکی کرنسی کا غیر قانونی دھندے کا پتا لگا کر 40 ہزار ڈالر برآمد کر لیے۔ڈائریکٹر ایف ائی اے نعمان صدیقی کے مطابق ایف آئی اے کارپوریٹ کرائم سرکل کے عملے نے علی الصبح کلفٹن بلاک 6 میں کارروائی کی، جیولرز سے 40 ہزار امریکی ڈالر اور 23 لاکھ روپے پاکستانی ضبط کییگئے۔نعمان صدیقی نے بتایا کہ کلفٹن میں چھاپے کے دوران 2 ملزمان کو گرفتار کیا گیا، غیر ملکی کرنسی کے عوض سونا اور پاکستانی کرنسی دی جاتی تھی۔ایف آئی اے حکام کا کہنا ہے کہ جیولرز شاپ سے ضبط شدہ موبائل فون اور دستاویزات سے ریکارڈ حاصل کر لیا گیا ہے اور گرفتار ملزمان سے مزید تفتیش کی جا رہی ہے۔

کریڈٹ : انڈیپنڈنٹ نیوز پاکستان-آئی این پی