برنس روڈ کے علاقے میں عمارت کی بالکنی کا حصہ گرنے سے فوڈ اسٹریٹ آئے 5 افراد زخمی ہو گئے۔ شہر قائد کی مشہور اور پرانی فوڈ اسٹریٹ برنس روڈ پر واقع عمارت کی تیسری منزل کی بالکنی کا چھجا گر گیا، جس سے 5 افراد زخمی ہوگئے۔ واقعے کے بعد ریسکیو 1122 اور پولیس نے زخمیوں کو اسپتال منتقل کیا ۔ پولیس کا کہنا ہے کہ برنس روڈ پر رہائشی عمارت کی تیسری منزل کی بالکنی کا چھجا گرا ہے جس کے بتیجے میں عمارت کے نیچے ریسٹورنٹ میں موجود 5 افراد زخمی ہوگئے جس میں ایک شخص کی حالت تشویشناک ہے ۔حادثے میں 3 موٹرسائیکلوں کو بھی نقصان پہنچا ہے ،جس کے بعد ریسکیو 1122 نے عمارت کے گرنے والے حصے کو ہٹایا اور باقی حصے کو بھی گرا دیا، تاکہ مزید کسی جانی نقصان سے بچا جاسکے ۔

کریڈٹ: انڈیپنڈنٹ نیوز پاکستان-آئی این پی