کراچی میں تیز رفتار ٹرالر تلے کچلے جانے سے باپ بیٹا جاں بحق جبکہ دو افراد زخمی ہوگئے۔ٹریفک حادثہ نیٹی جیٹی پل پر ہوا، عینی شاہدین کے مطابق دو موٹرسائیکلوں پر سوار 8 افراد سی ویو سے آرہے تھے، ایک موٹرسائیکل سلپ ہوکر گری تو پیچھے سے آنے والے تیز رفتار ٹرالر نے انہیں کچل دیا، جاں بحق ہونے والے بچے کی شناخت 7 سالہ ایان اور 25 سالہ عرفان کے نام سے ہوئی ہے۔حادثے کی اطلاع پر پولیس کی بھاری نفری اور ریسکیو ٹیمیں موقع پر پہنچ گئیں، پولیس نے حادثے کے ذمہ دار ٹرالر کو قبضے میں لے لیا، ٹرالر کے اندر سے بیئر اور شراب کی بوتل برآمد ہوئی ہے۔

کریڈٹ: انڈیپنڈنٹ نیوز پاکستان-آئی این پی