کراچی کے سائٹ ایریا میں پلاسٹک فیکٹری میں آگ لگ گئی ۔ فیکٹری ملازم عینی شاہد کے مطابق سائٹ ایریا میں پلاسٹک کاسامان بنانیوالی فیکٹری میں آگ صبح 8 بجے لگی، فیکٹری کی پہلی منزل پر بجلی کے تار ٹوٹ کر گرے،جس سے آگ بھڑک اٹھی۔ عینی شاہد نے بتایا کہ آگ لگنے پر فیکٹری کے تمام ملازم فوری طور پر باہر نکل آئے اور فائر بریگیڈ کو آگ کی اطلاع دی گئی، فائر بریگیڈ کا عملہ وقت پر پہنچ گیا۔حکام فائر بریگیڈکاکہنا ہے کہ آگ پر قابو پالیا گیا ہے، مجموعی طور پر 6 فائر ٹینڈرز، دو برازر اور ایک سنارکل نے آپریشن میں حصہ لیا ۔ حکام نے مزید کہا کہ فائر بریگیڈ کی جانب سے آگ کو مزید پھیلنے سے روک دیا گیا ۔

کریڈٹ: انڈیپنڈنٹ نیوز پاکستان-آئی این پی