کراچی کے علاقے ناظم آباد میں نجی اسکول کی انتظامیہ نے بچے کے والد کو بدترین تشدد کا نشانہ بنا ڈالا۔ناظم آباد میں قائم سحر اسکولنگ سسٹم نے دیر سے آنے پر طالب علم کو اسکول میں جانے نہیں دیا۔بچے کے والد شہریار نے بتایا کہ میرا بیٹا محمد واحد کلاس 8 کا طالب علم ہے، صرف ایک منٹ دیر سے آنے پر دروازے پر موجود سر دانش نے تلخ کلامی کی، بات بڑھی تو مجھے تھپڑ مارے، میرے والد اور بچے کے دادا کو بھی مارا۔شہریار کے مطابق بچے کے دادا پر شدید تشدد کیا گیا اور دانت توڑ دئیے گئے۔ رضویہ تھانے کی پولیس موقع پر پہنچی تو معاملہ تھانے پہنچ گیا۔دوسری جانب ڈائریکٹویٹ آف پرائیویٹ انسٹی ٹیوشنز نے فوری نوٹس لیتے ہوئے انکوائری کمیٹی اسکول روانہ کردی۔

کریڈٹ : انڈیپنڈنٹ نیوز پاکستان-آئی این پی