کراچی میں نگلیریا ایک اور جان لے گیا ضلع شرقی کے نجی اسپتال میں 19 سالہ لڑکا کئی روز کی شدید علالت کے بعد انتقال کر گیا۔ محکمہ صحت سندھ کے مطابق ضلع شرقی کے نجی اسپتال میں 19 سالہ لڑکا 12 روز کی شدید علالت کے بعد انتقال کر گیا، جس کے بعد رواں سال سندھ میں نگلیریا سے جاں بحق ہونے والوں کی تعداد 5 ہوگئی ہے، جن میں سے چار کا تعلق کراچی اور ایک کا حیدرآباد سے ہے۔ یاد رہے کہ نگلیریا جرثومہ ناک کے ذریعے دماغ میں داخل ہوتا ہے اور آہستہ آہستہ دماغ کو متاثر کرتا ہے۔ یہ ایک لا علاج مرض ہے، جو مخصوص درجہ حرارت اور پانی میں کلورین کی مطلوبہ مقدار نہ ہونے کی صورت میں بڑھتا ہے۔

کریڈٹ: انڈیپنڈنٹ نیوز پاکستان-آئی این پی