کراچی میں کورنگی ڈھائی نمبر سے لاپتہ ہونے والے دو کمسن بھائیوں کے واقعے کی ابتدائی تحقیقات میں اہم انکشاف ہواہے ۔زمان ٹائون پولیس کے ایس ایچ او نے بتایا کہ ابتدائی تحقیقات سے پتہ چلا ہے کہ مشتبہ شخص کورنگی نمبر ڈھائی پر کوسٹ گارڈ چورنگی کے قریب گھر پر پہنچا اور بچوں کو ان کے نام سے پکارا اور انہیں اپنے ساتھ لے گیا۔ یاد رہے 31 جنوری کو کورنگی نمبر ڈھائی سے دو سگے بھائی لاپتہ ہوگئے تھے، جس کے بعد بچوں کی والدہ نے نامعلوم افراد کے خلاف زمان ٹائون تھانے میں مقدمہ درج کروایا تھا۔والدہ نے بتایا تھا کہ گزشتہ رات بچے گھر سے کھیلنے کے لئے بلڈنگ سے نیچے اترے تھے اور بچوں کو نامعلوم موٹرسائیکل سوار شخص اغوا کر کے لے گیا۔بچوں کی والدہ کا کہنا تھا کہ شوہر سے علیحدگی کا کیس چل رہا ہے اور بچے میرے پاس ہیں۔

کریڈٹ: انڈیپنڈنٹ نیوز پاکستان-آئی این پی