کراچی میں گیس چوری کر کے جنریٹر سے بجلی بنانے والا خانگی پاور ہاوس پکڑا گیا مالک کو رنگے ہاتھوں گرفتار کر لیا گیا ۔ تفصیل کے مطابق ایس ایس جی سی کی چھاپہ مار ٹیم نے کراچی کے علاقے نارتھ ناظم آباد میں ایک گھر پر چھاپہ مارا جہاں گیس چوری کرکے بڑے پیمانے پر بجلی بنائی جا رہی تھی۔ترجمان سوئی سدرن گیس کمپنی کے مطابق مذکورہ خانگی پاور ہاوس میں گیس چوری کرکے جنریٹر سے بڑے پیمانے پر بجلی بنانے کے بعد علاقے کے گھروں اور دکانوں کی فروخت کی جاتی تھی۔ ملزم جس کی شناخت پرویز علی کے نام سے ہوئی ہے۔ وہ ایس ایس جی سی کی مین لائن سے براہ راست گیس چوری کر رہا تھا۔ترجمان کے مطابق ملزم کو گرفتار کر لیا گیا ہے اور اس پر چوری شدہ گیس لوڈ کے حساب سے جرمانہ عائد کیا جائے گا۔

کریڈٹ: انڈیپنڈنٹ نیوز پاکستان-آئی این پی