کراچی دنیا کے آلودہ ترین شہروں کی فہرست میں تیسرے نمبر پر آگیا۔جمعرات کو کراچی کا ائیرکوالٹی انڈیکس 229 ریکارڈ کیا گیا۔ائیر کوالٹی انڈیکس کے مطابق کراچی کا فضائی معیار انتہائی مضر صحت ہے جس کی وجہ سے کراچی کا ائیرکوالٹی انڈیکس 229 ریکارڈ کیا گیا ہے۔اے کیو آئی کے مطابق 151 سے 200 انڈیکس مضر، 201 سے 300 انتہائی مضر اور 301 سے اوپر انڈیکس خطرناک آلودگی ہے۔دوسری جانب محکمہ موسمیات کا کہنا ہیکہ آئندہ 24 گھنٹوں کے دوران شہر کا مطلع صاف اور رات میںموسم خنک رہنے کا امکان ہے۔محکمہ موسمیات کے مطابق گزشتہ 24 گھنٹوں میں شہر کا کم سے کم درجہ حرارت 16.5ڈگری سینٹی گریڈ ریکارڈ کیا گیا اور آئندہ 24 گھنٹوں میں کم سے کم درجہ حرارت 16ڈگری سینٹی گریڈ تک رہنے کا امکان ہے۔محکمہ موسمیات کے مطابق ہوا میں نمی کا تناسب 65 فیصد ہے اور شمال مشرق سے 6 کلومیٹر فی گھنٹہ کی رفتار سے ہوائیں چل رہی ہیں۔

کریڈٹ : انڈیپنڈنٹ نیوز پاکستان-آئی این پی