وفاقی تحقیقاتی ادارے (ایف آئی اے ) نے حوالہ ہنڈی کے الزام میں ایک شخص کو گرفتار کرلیا۔ڈائریکٹر ایف آئی اے کے مطابق کراچی میں طارق روڈ پر جیولرز شاپ سے 35 ہزار امریکی ڈالر اور 60 لاکھ روپے برآمد کیے گئے جب کہ ایک ملزم کو گرفتار کیا جس پر حوالہ ہنڈی کی دفعات کے تحت مقدمہ درج کیا گیا ہے۔ڈائریکٹر ایف آئی اے نعمان صدیقی نے بتایا کہ کارروائی ایف آئی اے کے کو آپریٹ کرائم سرکل کے عملے نے کی، اس دوران حوالہ ہنڈی کے شواہد اور موبائل فون سے بھی ریکارڈ برآمد کیا گیا ہے۔

کریڈٹ: انڈیپنڈنٹ نیوز پاکستان-آئی این پی