کراچی میں جناح انٹرنیشنل ایئرپورٹ پرموبائل فونز اسمگلنگ کی کوشش ناکام بنادی گئی، پاکستان کسٹمز نے کراچی کے جناح انٹرنیشنل ایئرپورٹ پربیرون ملک سے آنے والے مسافروں سے قیمتی آئی فونز برآمد کر لئے۔ کسٹمز حکام کا کہنا ہے کہ تھائی لینڈ سے آنے والے 2 مسافروں سے 35لاکھ روپے مالیت کے آئی فونزبرآمد کر لئے گئے۔ دونوں مسافروں سے 23 موبائل فون برآمد کیے گئے۔ مسافر محمد جنید اور فیضان تھائی ایئر کی پرواز "ٹی جی 341 کے ذریعے کراچی ایئرپورٹ پہنچے تھے، کسٹم کے عملے نے مسافروں سے آئی فونز ضبط کرکے ان سے پوچھ گچھ کی گئی۔ بعدازاں دونوں مسافروں کو روانہ کرکے تحقیقات کا آغاز کردیا گیا۔

کریڈٹ: انڈیپنڈنٹ نیوز پاکستان-آئی این پی