کوٹلی آزاد کشمیر میں چڑھوئی وبراٹلہ کے جنگلات میں لگنے والی آگ سے قیمتی درخت اور نایاب نسل کے جانور جل گئے۔ترجمان محکمہ جنگلات کے مطابق جنگل رات سے مسلسل جل رہا ہے جبکہ علاقے میں چاروں طرف دھوئیں کے بادل پھیل گئے ہیں، آگ لگنے سے قیمتی درخت جل گئے ہیں اور جنگلی حیات کو بھی نقصان پہنچ رہا ہے۔وائلڈ لائف کا کہنا ہے مقامی افراد اور محکمہ جنگلات کے ملازمین آگ بجھانے میں مصروف ہیں متاثرہ علاقے میں دھویں کے باعث سانس لینے میں دشواری محسوس ہو رہی ہے۔دوسری جانب مرکزی سڑک کے اطراف آگ کے باعث کوٹلی سے راولپنڈی جانے والی ٹریفک متاثر ہے۔

کریڈٹ: انڈیپنڈنٹ نیوز پاکستان-آئی این پی