کوٹ ادو میں تیز رفتار بس نے موٹر سائیکل کو ٹکر ماردی، واقعے میں دو بھائی موقع پر جبکہ تیسرا بھائی اسپتال لے جاتے ہوئے دم توڑ گیا۔ کوٹ ادو میں کالی پل کے قریب تیز رفتار بس نے موٹر سائیکل کو ٹکر مار دی۔ پولیس کے مطابق حادثے میں موٹر سائیکل پر اسکول جانیوالے 3 بھائی جاں بحق ہوگئے۔ پولیس کا کہنا ہے کہ مرنے والے بھائیوں کی عمریں 8 سے 17 سال کے درمیان ہیں، ریسکیو اہلکاروں نے مرنے والے افراد کی لاشوں کو ڈی ایچ کیو اسپتال کوٹ ادو منتقل کردیا۔ پولیس کے مطابق واقعے کے بعد بس ڈرائیور فرار ہونے میں کامیاب ہوگیا، جس کی گرفاری کیلئے کوششیں شروع کردی گئی ہیں۔

کریڈٹ: انڈیپنڈنٹ نیوز پاکستان-آئی این پی