مسلم لیگ ن کے رہنما طارق فضل چودھری نے کہا ہے کہ کھلے دل کے ساتھ مذاکرات کررہے امید ہے راستہ نکلے گا۔ایک انٹرویو میں انہوں نے کہا کہ پی ٹی آئی نے جب حکومت سنبھالی تب بھی شہباز شریف نے چارٹرآف اکانومی کی بات کی تھی، عمران خان کی رہائی کا مذاکرات سے کوئی تعلق نہیں۔انہوں نے کہا کہ عمران خان کا مقدمہ اوپن اینڈ شیٹ کیس ہے، فیصلہ کیوں موخرہوا اس پرکمنٹ نہیں کرسکتا، اچھی بات ہے تحریک انصاف کوآج عقل آگئی ہے، ہم سیاسی ڈائیلاگ پریقین رکھتے ہیں، جو کارکنان بیگناہ ہوں گے انہیں بالکل رہا کیا جائیگا۔طارق فضل چودھری کا کہنا تھا کہ تحریک انصاف کی وجہ سے ملک میں عدم استحکام ہے، ملک کوسیاسی استحکام کی ضرورت ہے، ہم کھلے دل کیساتھ مذاکرات کررہے ہیں، امید ہے مذاکرات کے ذریعے راستہ نکلے گا۔ لیگی رہنما نے کہا کہ ہم نے پی ٹی آئی والوں کو دہشت گرد اور غدارکبھی نہیں کہا، احتجاج کے ننام پرمسلح جتھوں کا حملہ قابل مذمت ہے، رائونڈ ٹیبل کانفرنس کے راستے مذاکرات کے ذریعے ہی راستے نکلیں گے۔

کریڈٹ : انڈیپنڈنٹ نیوز پاکستان-آئی این پی