خیبرپختونخوا میں ڈیپوٹیشن پر آئے ملازمین نے واپس جانے سے انکار کر دیا۔ذرائع کے مطابق 5 سالہ مدت پوری کرنے کے بعد بھی ڈیپوٹیشن پر آئے ملازمین واپس نہیں جا رہے، 5 سال مدت پوری ہونے کے بعد ڈیپوٹیشن ملازمین متعلقہ محکمے کو واپس ہو جاتے ہیں۔اسٹیبلشمنٹ ڈویژن کی جانب سے کہا گیا ہے کہ متعلقہ محکموں میں واپس نہ جانے والے ملازمین کے خلاف کارروائی کی جائے، وفاق سے ڈیپوٹیشن پر خیبرپختونخوا آنے والے تمام ملازمین کی تنخواہیں بند کی جائیں۔وفاقی محکمہ اسٹیبلشمنٹ کی ہدایت پر خیبرپختونخوا حکومت نے اعلامیہ جاری کر دیا اور اعلامیہ سینئر ممبر بورڈ آف ریونیو، ایڈیشنل چیف سیکرٹری پی اینڈ ڈی کو ارسال کر دیا گیا ہے جبکہ تمام کمشنرز سمیت دیگر متعلقہ افسران کو بھی ہدایات جاری کر دی گئی ہیں۔

کریڈٹ: انڈیپنڈنٹ نیوز پاکستان-آئی این پی