خیبرپختونخوا فیکلٹی آف پیرا میڈیکل اور الائیڈ ہیلتھ سائنسز کے ڈپلومہ امتحانات میں بے انتظامی کے مناظر دیکھنے کو ملے۔ پشاور، مردان، کرک اور بنوں سمیت کے پی بھر میں میڈیکل ڈپلومہ امتحانات جاری ہیں اور ایسے میں امتحانات کے دوران بے انتظامی کے مناظر دیکھنے کو ملے۔ ویڈیو میں دیکھا جاسکتا ہے کہ امتحانی ہالوں میں طلبا و طالبات کو فرش پر بٹھایا گیا ہے جب کہ ویڈیو میں پرچوں کے دوران طلبا و طالبات کو نقل کرتیدیکھاجاسکتا ہے۔ اس کے علاوہ طلبا و طالبات کی جانب سے ایناٹومی کا پرچہ آوٹ آف کورس ہونے کی بھی شکایات سامنے آئی ہیں۔ اس حوالے سے مشیر صحت کے پی احتشام علی نے کہا کہ امتحان میں بے نظمی اور نقل کا نوٹس لیلیا ہے اور اس حوالے سے متعلقہ حکام کو 3 دن میں رپورٹ محکمہ صحت کو جمع کرانیکی ہدایت کی ہے۔

کریڈٹ: انڈیپنڈنٹ نیوز پاکستان-آئی این پی