خان پور میں خود کواعلی پولیس آفیسر ظاہر کرنے والی خاتون کو سٹی پولیس نے گرفتار کر کے مقدمہ درج کرلیا۔ تفصیلات کے مطابق خان پور میں خاتون کئی روز تک خود کواعلی پولیس آفیسر ظاہر کرکے مقامی پولیس اہلکاروں کو دے رہی تھی۔ ملزمہ نے شبیر نامی مرد کے ہمراہ تھانہ سٹی میں پہنچ کراپناتعارف ڈاکٹرشیزہ حبیب اور اے ایس پی گلگت بلتستان بتایا۔ ایس ایچ او تھانہ سٹی جام آفتاب احمد کے مطابق خاتون نے اپنا پولیس کارڈ دکھایا جس کی تصدیق کی گئی تووہ جعلی نکلا، جس کے بعد خاتون کو لیڈی پولیس کی مدد سے حراست میں لیکرمقدمہ درج کرلیا گیا۔ پولیس کے مطابق خاتون نے ضلع بھر کے مختلف تھانوں میں اپنا جعلی تعارف کراکے کئی وزٹ بھی کیے۔

کریڈٹ: انڈیپنڈنٹ نیوز پاکستان-آئی این پی