جنوبی وزیرستان میں نامعلوم افراد کی ایک کار پر فائرنگ کے نتیجے میں کار میں سی ڈی ٹی اہلکار سمیت 3 افراد جاں بحق ہوگئے۔تفصیل کے مطابق جنوبی وزیرستان کے علاقے وانا میں رات گئے باغیچہ اسٹاپ پر فیلڈر گاڑی پر نامعلوم افراد کے راکٹ حملے میں سی ٹی ڈی پولیس اہلکار سمیت 3 افراد جاں بحق ہوگئے۔پولیس کے مطابق فیلڈر گاڑی کو پہلے راکٹ سے نشانہ بنایا گیا اور پھر فائرنگ کی گئی۔جاں بحق ہونے والوں میں سی ٹی ڈی پولیس اہلکار اور 2 سویلین شامل ہیں، لاشیں پوسٹ مارٹم کے لیے وانا اسپتال منتقل کر دی گئیں۔ جاں بحق افراد میں مصطفی، یونس اور پولیس اہلکار عثمان شامل ہیں۔پولیس ذرائع کے مطابق تمام لاشوں کو ہسپتال منتقل کردیا گیا ہے جبکہ مزید تحقیقات جاری ہیں۔

کریڈٹ: انڈیپنڈنٹ نیوز پاکستان-آئی این پی