جنوبی وزیرستان میں پاک فوج اور فرنٹیئر کور خیبرپختونخوا ساتھ کے تعاون سے گومل زم ڈیم کے مقام پر میلے کا انعقاد کیا گیا،جس میں علاقے کے عوام نے بھرپور شرکت کی۔پاک فوج اور فرنٹیئر کورخیبرپختونخواساتھ کی جانب سے جنوبی وزیرستان کے عوام کے لیے گومل زم ڈیم کے مقام پر"خوشیوں کے رنگ امن کے سنگ" کے عنوان سے ایک شاندارمیلہ منعقد کیا گیا۔اس میلے کا مقصد عوام کو تفریح فراہم کرنا اور علاقے میں امن کی فضا کو فروغ دینا تھا۔جنوبی وزیرستان، ٹانک،ڈیرہ اسماعیل خان، اورلکی مروت کے ہزاروں افراد نے میلے میں شرکت کی۔میلے میں روایتی کھیلوں جیسے رسہ کشی، کشتی رانی، کبڈی، اور دیگر سرگرمیوں کا انعقاد کیا گیا، جبکہ روایتی و ثقافتی کھانے کے اسٹالز نے لوگوں کی توجہ حاصل کی۔میلے کی تفریحی شام میں غزل زار، روایتی موسیقی اور اتنڑ رقص کا خصوصی اہتمام کیاگیا، جس نے حاضرین کو محظوظ کیا،مختلف کھیلوں اور مقابلوں میں بہترین کارکردگی کا مظاہرہ کرنے والوں میں انعامات تقسیم کیے گئے۔اہل علاقہ نے میلے کے انعقاد کو خوش آئند قرار دیا۔

کریڈٹ: انڈیپنڈنٹ نیوز پاکستان-آئی این پی