صوبائی دارالحکومت لاہور میں عورت مارچ کی اجازت دے دی گئی۔لاہور ہائی کورٹ میں عورت مارچ کی اجازت نہ دینے پر ڈپٹی کمشنر لاہور کے خلاف توہین عدالت کی درخواست پر سماعت ہوئی۔جسٹس انوار حسین نے لینا غنی سمیت دیگر کی عورت مارچ سے متعلق توہین عدالت درخواستوں پر سماعت کی، ڈپٹی کمشنر لاہور کی جانب سے عورت مارچ کی اجازت دے دی گئی، سرکاری وکیل نے عورت مارچ کی سکیورٹی کے لیے انتظامات سے متعلق خط عدالت میں پیش کردیا۔خط میں کہا گیا کہ 12 فروری کو عورت مارچ کا انعقاد کیا جارہا ہے، عورت مارچ کے شرکا کو فول پروف سکیورٹی دی جائے گی، بعدازاں لاہور ہائی کورٹ نے عورت مارچ کی اجازت ملنے پر درخواست نمٹا دی۔

کریڈٹ: انڈیپنڈنٹ نیوز پاکستان-آئی این پی