بلوچستان کے حلقہ پی بی 8سبی کے ضمنی انتخابات میں پاکستان پیپلز پارٹی کے امیدوار میر کوہیار خان ڈومکی نے 35ہزار716ووٹ لے کر کامیابی حاصل کرلی ۔ان کے مدمقامل آزاد امیدوار اصغر خان مری نے 11ہزار949ووٹ حاصل کئے ۔ریٹرننگ آفیسربرائے حلقہ پی بی 8سبی کے جاری کردہ نتائج کے مطابق حلقہ پی بی 8سبی کے کل124پولنگ سٹیشنز پر 50ہزار434ووٹ ڈالے گئے جس میں 533ووٹ مسترد کئے گئے۔حلقہ میں رجسٹرڈ ووٹرز ایک لاکھ 16ہزار161 جس میں مرد 64ہزار223جبکہ خواتین 51ہزار938ہیں جن میں 32ہزار453مرد اور 18ہزار514خواتین نے ووٹ کاسٹ کیاہے اس طرح ڈالے گئے ووٹوں کی شرح 43فیصد رہی ۔فارم 47کے مطابق حلقہ پی بی 8سبی پر پاکستان پیپلزپارٹی کے سردار زادہ کوہیار ڈومکی نے 35ہزار716ووٹ جبکہ آزاد امیدوار اصغر خان مری نے 11ہزار949ووٹ حاصل کئے ۔اس حلقہ میں پاکستان پیپلز پارٹی کے رہنما سردار سرفراز چاکر ڈومکی کے انتقال کے باعث صوبائی اسمبلی کی نشست خالی ہوئی تھی۔

کریڈٹ: انڈیپنڈنٹ نیوز پاکستان-آئی این پی