چیئرمین پی ٹی آئی بیرسٹر گوہر نے حکومت کی جانب سے کچھ دن قبل بانی پی ٹی آئی عمران خان کو ریلیف دینے کی پیشکش کی خبروں کی تردید کر تے ہوئے کہاہے کہ حکومت سے کسی مرحلے پر عمران خان کی رہائی، ہائوس اریسٹ یا منتقلی پر بات نہیں ہوئی۔ایک نجی ٹی وی سے گفتگو میں ان سے سوال کیا گیا کہ حکومت سے کب رابطے بحال ہوئے کیا کوئی ڈیل ہوئی؟ ۔جس پر بیرسٹر گوہر نے جواب دیا کہ ہمارا حکومت سے 26 نومبر سے قبل محض رابطہ بحال ہوا، محسن نقوی سے 26 نومبر سے قبل کسی قسم کا مذاکراتی عمل شروع نہیں ہوا تھا، بانی پی ٹی آئی کی بنی گالہ منتقلی کی پیش کش سے متعلق کبھی بات نہیں ہوئی۔انہوں نے کہا کہ حکومت سے کسی مرحلے پر عمران خان کی رہائی، ہاس اریسٹ یا منتقلی پر بات نہیں ہوئی۔واضح رہے کہ رہنما پی ٹی آئی شیرافضل مروت نے دعوی کیا تھا کہ حکومت اور اسٹیبلشمنٹ کی جانب سے محسن نقوی نے بانی پی ٹی آئی کی ہائوس اریسٹ کی آفر کی تھی۔

کریڈٹ : انڈیپنڈنٹ نیوز پاکستان-آئی این پی