گورنرسندھ کامران خان ٹیسوری سے نیدر لینڈ کی سفیر کی ملاقات ہوئی جس میں اقتصادی، ثقافتی تعلقات، تجارت میں اضافے اور سرمایہ کاری سمیت دیگر امور پر تبادلہ خیال کیا گیا۔ اس موقع پر گورنر سندھ کے ہمراہ نیدرلینڈ کی سفیرنے قرعہ اندازی میں خوش نصیب طلبا کو موٹر سائیکل، لیپ ٹاپ اورآئی فونز دیئے جبکہ انہوں نے امید کی گھنٹی کا دورہ اور راشن بیگز کا معائنہ بھی کیا۔ نیدرلینڈز کی سفیر گورنر سندھ کے ہمراہ بابائے قوم قائد اعظم کے تاریخی آفس بھی گئیں جہاں بابائے قوم کے زیر استعمال اشیا دیکھیں۔ گورنر سندھ نے اس موقع پر گفتگو کرتے ہوئے کہا کہ پاک نیدر لینڈ دوطرفہ تعلقات تاریخ ساز ہیں، نیدر لینڈ کی سفیر کا کہنا تھا کہ گورنر سندھ کے اقدامات بہت ہی شاندار ہیں، طلبا کو بہترین سہولیات دی جا رہی ہیں۔

کریڈٹ: انڈیپنڈنٹ نیوز پاکستان-آئی این پی