گلگت بلتستان کی چیف کورٹ نے ضمنی الیکشن کے نتائج روکنے کا نوٹیفکیشن معطل کر دیا۔ 9 ستمبر کو ہونے والے جی بی ایل اے 13 استور ون کے ضمنی الیکشن کے نتائج الیکشن کمیشن نے روک لیے تھے جس پر پی ٹی آئی کے خور شید خان نے چیف کورٹ سے رجوع کیا تھا۔ پی ٹی آئی امیدوار کی درخواست پر چیف کورٹ گلگت بلتستان نے الیکشن کمیشن کا نتائج روکنے کا نوٹیفکیشن معطل کردیا۔ غیر سرکاری نتیجے کے مطابق پی ٹی آئی کے خورشید احمد 6164 ووٹ لے کر آگے اور(ن)لیگ کیفرمان علی 4899 ووٹ لیکر دوسرے نمبر پر ہیں۔

کریڈٹ: انڈیپنڈنٹ نیوز پاکستان-آئی این پی