i پاکستان

فیصل آباد، دورانِ ڈکیتی شوہر کے سامنے خاتون سے اجتماعی زیادتی میں ملوث ایک ملزم گرفتار، اعتراف جرم کرلیاتازترین

March 28, 2025

فیصل آباد میں ڈکیتی کے دوران شوہر کے سامنے خاتون سے اجتماعی زیادتی کی گھنائونی واردات میں ملوث ایک ملزم علی شیر کو گرفتار کر لیا گیا۔تفصیل کے مطابق فیصل آباد میں ڈکیتی کے دوران زرعی یونیورسٹی کی ملازمہ سے مبینہ زیادتی کے واقعے پر تھانہ ساندل بارپولیس نے نامزد ملزم علی شیر کو گرفتار کرلیا۔پولیس نے کہا کہ گرفتار ملزم علی شیر نے تفتیش کے دوران اعتراف جرم کرلیا تاہم ملزم کی نشاندہی پر دیگر ملزمان کی گرفتاری کے لئے چھاپے مارے جارہے ہیں۔گذشتہ روز فیصل آباد میں ملزمان نے شوہر کے ساتھ گھر جاتی خاتون سے مبینہ اجتماعی زیادتی کی تھی جبکہ موبائل فون اور نقدی چھین کر فرار ہوگئے تھے۔ بعد ازاں پولیس نے مقدمہ درج کر کے چھے مشتبہ افراد کو حراست میں لیاجبکہ متاثرہ جوڑے نے ڈکیتی اورزیادتی کیایک ملزم کی نشاندہی کی اور بتایا دو ڈاکوئوں کے فون کرنے پر آنے والا ملزم علی شیر تھا، علی شیر بھی اجتماعی زیادتی میں شامل تھا۔حکام کا بتانا تھا کہ چنن کے گائوں کا رہائشی عدنان مسیح اپنی بیوی شمائلہ کے ہمراہ موٹر سائیکل پر زرعی یونیورسٹی جھنگ روڈ کیمپس سے گھر واپس جا رہا تھا کہ چنن کے موٹروے پل کے قریب موٹر سائیکل سوار دو ڈاکوں نے انہیں اسلحے کے زور پر روک لیا۔ملزمان نے عدنان کو ازار بمد سے باندھ کر کھیت میں پھینک دیا اور بعد ازاں اپنے تیسرے ساتھی کو فون کر کے بلالیا اور تینوں ملزمان نے شمائلہ کو زیادتی کا نشانہ بنایا ۔

کریڈٹ: انڈیپنڈنٹ نیوز پاکستان-آئی این پی