واپڈا کی جانب سے دریائوں اور آبی ذخائر میں پانی کی آمد و اخراج کے جمعرات کو جاری کردہ اعدادوشمار کے مطابق دریائے سندھ میں تربیلاکے مقام پر پانی کی آمد 2 لاکھ 54 ہزار600 کیوسک اور اخراج 2 لاکھ54 ہزار100کیوسک، دریائے کابل میں نوشہرہ کے مقام پر پانی کی آمد 65 ہزار500 کیوسک اور اخراج 65 ہزار 500 کیوسک، خیرآباد پل پر پانی کی آمد 3 لاکھ10 ہزار 800 کیوسک اور اخراج 3 لاکھ10 ہزار 800کیوسک،دریائے جہلم میں منگلاکے مقام پر پانی کی آمد27ہزار300کیوسک اور اخراج8 ہزارکیوسک اور دریائے چناب میں مرالہ کے مقام پر پانی کی آمد 63 ہزار300 کیوسک اور اخراج 38 ہزار300 کیوسک ہے۔جمعرات کو تربیلاڈیم کا کم از کم آپریٹنگ لیول 1402 فٹ ، ڈیم میں پانی کی موجودہ سطح 1550 فٹ ،ڈیم میں پانی ذخیرہ کرنے کی انتہائی سطح 1550 فٹ اورقابلِ استعمال پانی کا ذخیرہ 5.766 ملین ایکڑ فٹ جبکہ منگلا ڈیم کا کم از کم آپریٹنگ لیول 1050 فٹ ، ڈیم میں پانی کی موجودہ سطح 1215.25فٹ ، ڈیم میں پانی ذخیرہ کرنے کی انتہائی سطح 1242فٹ اور قابلِ استعمال پانی کا ذخیرہ 5.270 ملین ایکڑ فٹ ریکارڈ کیا گیا ہے۔ چشمہ بیراج کا کم از کم آپریٹنگ لیول 638.15 فٹ،بیراج میں پانی کی موجودہ سطح 644 فٹ ،بیراج میں پانی ذخیرہ کرنے کی انتہائی سطح 649 فٹ اور قابلِ استعمال پانی کا ذخیرہ 0.112 ملین ایکڑ فٹ ہے۔

کریڈٹ: انڈیپنڈنٹ نیوز پاکستان-آئی این پی