i پاکستان

چولستان کینال سندھ کیلئے ایٹم بم سے زیادہ خطرناک ہے، ایاز لطیف پلیجوتازترین

March 29, 2025

قومی عوامی تحریک کے سربراہ ایاز لطیف پلیجو نے کہا ہے کہ چولستان کینال سندھ کے لیے ایٹم بم سے زیادہ خطرناک ہے جبکہ پیپلزپارٹی اور مسلم لیگ ن مل کر سندھ کو تباہ کر رہی ہیں۔دریائے سندھ سے کینالز نکالنے کے منصوبے کے خلاف قومی عوامی تحریک سمیت دیگر تنظیموں کی جانب سے احتجاجی ریلیاں نکالی گئیں۔کوٹ غلام محمد میں ریلی سے خطاب کرتے ہوئے قومی عوامی تحریک کے سربراہ ایاز لطیف پلیجو نے کہا کہ چولستان کینال سندھ کے لیے ایٹم بم سے زیادہ خطرناک ہے، پیپلزپارٹی اور ن لیگ مل کر سندھ کو تباہ کر رہی ہیں۔ انہوں نے مزید کہا کہ پیپلز پارٹی دریائے سندھ پر حملہ کرنے والوں کے ساتھ ہے، دریائے سندھ پر کینال نکالنے کا کوئی منصوبہ قبول نہیں کیا جائیگا۔ واضح رہے کہ عوامی تحریک اور سندھیانی تحریک کی جانب سے بھی کے این شاہ میں احتجاجی ریلی نکالی گئی، کینالز منصوبے کے خلاف میہڑ بار ایسوسی ایشن نے 9 ویں روز بھی احتجاج کیا جب کہ جسقم کے کارکنوں نے مورو کے قریب قومی شاہراہ پر دھرنا دیا۔

کریڈٹ: انڈیپنڈنٹ نیوز پاکستان-آئی این پی