i پاکستان
چکن سستا کرنے کی درخواست،لاہور ہائیکورٹ کا ایڈووکیٹ جنرل کو ہدایات لے کر پیش ہونے کا حکمتازترین
August 20, 2024
برائلر مرغی کا گوشت سستا کرنے کے لیے متفرق درخواست پر عدالت نے ایڈووکیٹ جنرل پنجاب کو ہدایات لے کر پیش ہونے کا حکم دے دیا۔ لاہور ہائیکورٹ میں پاکستان پولٹری ایسوسی ایشن کی برائلر مرغی کا گوشت سستا کرنے کے لیے متفرق درخواست پر سماعت ہوئی، جسٹس ساجد محمود سیٹھی نے کیس پر سماعت کی۔ بعدازاں عدالت نے مرغی کا گوشت سستا کرنے کی درخواست پر ایڈووکیٹ جنرل پنجاب کو ہدایات لے کر پیش ہونے کی ہدایت کرتے ہوئے کیس کی مزید سماعت 23 اگست تک ملتوی کردی۔ واضح رہے کہ پاکستان پولٹری ایسوسی ایشن کی متفرق درخواست میں وفاقی اور صوبائی حکومت سمیت دیگر کو فریق بنایا گیا ہے۔
کریڈٹ: انڈیپنڈنٹ نیوز پاکستان-آئی این پی
متعلقہ خبریں
