چینی غیر فعال ایف ایم ڈی ویکسین اینٹی جینز سے پاکستانی ایف ایم ڈی فری زون کی راہ ہموار، یہ پاکستان میں مقامی طلب کے لیے ویکسین کی پیداوار اور رسد میں خود کفالت کی جانب ایک قدم ہے۔ گوادر پرو کے مطابق چائنا ایگریکلچرل یونیورسٹی، چین کی نارتھ ویسٹ اے اینڈ ایف یونیورسٹی اور یانگ لنگ جنہائی بائیو ٹیکنالوجی کمپنی لمیٹڈ کے درمیان پاکستان کو ٹرائی ویلنٹ ان ایکٹیویٹیڈ فٹ اینڈ ماتھ ڈیزیز(ایف ایم ڈی) ویکسین اینٹی جینز کی ایک لاکھ خوراکیں برآمد کرنے کے لیے شراکت داری کا آغاز ہوا۔ چین کے صوبہ شانسی کے شہر یانگ لنگ میں منعقد ہونے والی اس تقریب سے ایف ایم ڈی فری زونز کے قیام اور جنوبی ایشیائی ملک سے گوشت کی برآمدات میں اضافے کی جانب پیش رفت کا اشارہ ہے۔ گوادر پرو کے مطابق فیصل آباد میں نیشنل انسٹی ٹیوٹ آف بائیو ٹیکنالوجی اینڈ جینیاتی انجینئرنگ (این آئی بی جی ای) کی جانب سے سخت ٹیسٹنگ سے گزرنے والے ان اینٹی جنز کو کولڈ چین پروسیس کے ذریعے منتقل کیا گیا اور انہیں چینی پروٹوکول پر عمل کرتے ہوئے مقامی ایف ایم ڈی ویکسینز کی تیاری کے لیے استعمال کیا جائے گا، جو پاکستان میں مقامی طلب کے لیے ویکسین کی پیداوار اور رسد میں خود کفالت کی جانب ایک قدم ہے۔ گوادر پرو کے مطابق بائیو ٹیکنالوجی کی منتقلی دو اہم منصوبوں پر مبنی ہے جو پاکستان میں بڑے لائیو سٹاک بیماریوں کی روک تھام اور کنٹرول کے لئے کلیدی ٹیکنالوجیز کا مظاہرہ اور فروغ اور "پاکستان اور افغانستان میں بڑے لائیو سٹاک بیماریوں کی روک تھام اور کنٹرول کے لئے کلیدی ٹیکنالوجیز کا مظاہرہ اور فروغ" ہیں۔گوادر پرو کے مطابق 2023 میں اس تعاون کے آغاز سے لے کر اب تک جنہائی بایوٹیک نے اپنے تعلیمی شراکت داروں کے ساتھ مل کر لاہور، فیصل آباد اور اسلام آباد میں جانوروں کی سنگین بیماریوں کی روک تھام اور کنٹرول پر توجہ مرکوز کرتے ہوئے وبائی امراض کے سروے، ویکسین کلینیکل ٹرائلز اور تربیتی پروگرام وں کا انعقاد کیا ۔

کریڈٹ: انڈیپنڈنٹ نیوز پاکستان-آئی این پی