قائم مقام چیف جسٹس پشاور ہائیکورٹ کی تقریب حلف برداری سے قبل گورنر فیصل کریم کنڈی اور وزیراعلی علی امین گنڈاپور کی ملاقات ہوئی جو 10 منٹ تک جاری رہی۔ ذرائع کے مطابق ملاقات کے دوران دونوں خوشگوار موڈ میں دکھائی دئیے جب کہ گورنر اور وزیراعلی کے مابین ملاقات میں فیصل کریم کنڈی کی جانب سے طنزیہ مذاق بھی کیا گیا۔ گورنر فیصل کریم کنڈی نے وزیراعلی سے سوال کیا کہ پی ٹی آئی میں کیا ہورہا ہے؟ شیر افضل مروت کو بھی نکال دیا، ان سے ہمدردی ہے۔گونر نے مزید کہا وزیراعلی صاحب آپ کی حکومت نے اپنے ہی خلاف صوابی میں احتجاج نہیں کیا؟ گورنر کے مذاق پر وزیراعلی علی امین غیر معمولی طور پر مسکراتے رہے۔

کریڈٹ: انڈیپنڈنٹ نیوز پاکستان-آئی این پی