بانی پی ٹی آئی کی اہلیہ بشری بی بی نے سپرنٹنڈنٹ اڈیالہ جیل کیخلاف انسداد دہشت گردی عدالت میں 2 درخواستیں دائر کردیں۔ اے ٹی سی نے سپرنٹنڈنٹ کو 6 فروری کو ذاتی حیثیت میں طلب کرلیا۔ تفصیل کے مطابق بشری بی بی نے انسداد دہشتگردی عدالت راولپنڈی میں اڈیالہ جیل کے سپرنٹنڈنٹ کیخلاف دو درخواستیں دائر کردیں، جن میں کہا گیا ہے کہ عدالتی حکم کے باوجود جیل حکام نے بشری بی بی کو عدالت میں پیش نہیں گیا۔بشری بی بی کے وکیل فیصل ملک کا کہنا ہے کہ عدالتی احکامات نہ ماننے پر جیل حکام توہین عدالت کے مرتکب ہوئے ہیں۔درخواست میں مزید کہا گیا ہے کہ جیل حکام کو پابند کیا جائے کہ 8 فروری کو درخواست ضمانت کی سماعت پر بشری بی بی کو عدالت پیش کیا جائے۔انسداد دہشت گردی عدالت کے جج امجد علی شاہ نے سپرنٹنڈنٹ اڈیالہ جیل کو 6 فروری کو ذاتی حیثیت میں طلب کرلیا۔

کریڈٹ: انڈیپنڈنٹ نیوز پاکستان-آئی این پی