بلوچستان حکومت نے 9گرین بسوں کی خریداری کی منظوری دے دی۔ سیکرٹری ٹرانسپورٹ بلوچستان حیات اللہ کاکڑ کا کہنا ہے کہ حکومت نے رواں مالی سال کے بجٹ میں 9گرین بسوں کی خریداری کا اعلان کیا تھا جس کی سمری محکمہ ٹرانسپورٹ نے وزیراعلی بلوچستان میر سرفراز بگٹی کو بھجوائی، وزیراعلی نے 9 بسوں کی خریداری کی منظوری دے دی ہے اور محکمہ ٹرانسپورٹ ان بسوں کی خریداری کیلئے جلد ٹینڈر کرے گا۔سیکرٹری ٹرانسپورٹ نے بتایا کہ محکمہ ٹرانسپورٹ کی جانب سے5 بسیں کوئٹہ اور 4 تربت میں چلائی جائیں گی، کوئٹہ میں لائی جانے والی 5 بسیں شہر میں نئے روٹس پر چلائی جائیں گی جب کہ کوئٹہ میں پہلے ہی 10 گریں بسیں چلائی جا رہی ہیں۔

کریڈٹ: انڈیپنڈنٹ نیوز پاکستان-آئی این پی