بلوچستان کے علاقے نصیرآباد ڈویژن کے ضلع صحبت پور میں ایک گھر پر حملہ کرکے فائرنگ اور گھر کو آگ لگائے جانے سے ایک ہی خاندان کے 7 افراد جاں بحق ہوگئے جن میں ایک خاتون اور 3 بچے بھی شامل ہیں۔پولیس کے مطابق یہ واقعہ زمین کے تنازع پر پیش آیا ہے اور اس کی مزید تحقیقات کی جارہی ہیں۔واقعہ کی اطلاع پر پولیس اور امدادی ٹیمیں موقع پر پہنچ گئیں، جاں بحق افراد کی لاشوں کو فوری ہسپتال منتقل کر دیا گیا، واقعہ کے بعد ملزم موقع سے فرار ہونے میں کامیاب ہوگئے۔ جب کہ حملہ آوروں کی تلاش بھی جاری ہے۔

کریڈٹ: انڈیپنڈنٹ نیوز پاکستان-آئی این پی