ایف آئی اے نے بیرون ممالک بھجوانے کا جھانسہ دیکر لاکھوں روپے کا فراڈ کرنے والے ایجنٹ کو گرفتار کر لیا ۔ ترجمان کے مطابق ایف آئی اے کمپوزیٹ سرکل فیصل آباد نے کارروائی کرتے ہوئے قدیر احمد نامی ایجنٹ کو لاہورسے گرفتار کیا ۔ایجنٹ نے مختلف شکایت کنندگان سے بیرون ملک ہالینڈ ملازمت کے غرض سے پیسے بٹورے۔ایجنٹ 82لاکھ روپے سے زائد پیسے وصول کرنے کے بعد روپوش ہوگیا تھا۔ ملزم کے خلاف امیگریشن آرڈیننس کے تحت مقدمہ درج تھا۔ ملزم کو گرفتار کر کے تفتیش کا آغاز کر دیا گیا۔

کریڈٹ: انڈیپنڈنٹ نیوز پاکستان-آئی این پی