وزیر اعظم کے مشیر برائے سیاسی امور رانا ثنا اللہ نے کہا ہے کہ بانی پی ٹی آئی کی پرتشدد انتشاری تحریک کی ساری منصوبہ بندی فیض حمید نے کی، فیض حمید دعوی کرتے تھے کہ عزت اور موت وہ دیتے ہیں، میرے خلاف منشیات کیس بھی فیض حمید نے مینیج کیا تھا۔ ہم نیوز کے مطابق وفاقی مشیر سیاسی امور رانا ثنا اللہ نے اپنے ردعمل میں کہا کہ فیض حمید جو کرتے رہے ان کے خلاف تمام ثبوت اکٹھے ہورہے تھے، فیض حمید دعوی کرتے تھے کہ عزت اور موت وہ دیتے ہیں، شہبازشریف اور مریم نواز کی آڈیو لیکس میں ملوث شخص کی ڈیوٹی وزیراعظم ہاس میں تھی، وہ آڈیوز بھی فیض حمید کو دی گئی تھیں۔انہوں نے کہا کہ میرے خلاف منشیات کیس بھی فیض حمید نے مینیج کیا تھا، بانی پی ٹی آئی پرتشدد انتشاری تحریک کی ساری منصوبہ بندی فیض حمید نے کی ۔انہوں نے کہا کہ سوسائٹی کے مالک کے سی ٹی ڈی کے حوالے کرکے کہا گیا کہ یہ دہشتگرد ہے، ہائوسنگ سوسائٹی پارٹنرز میں فیض حمید کے بھائی نجف حمید بھی شامل ہوئے۔

کریڈٹ : انڈیپنڈنٹ نیوز پاکستان-آئی این پی