نائب وزیراعظم اور وزیر خارجہ سینیٹر محمد اسحاق ڈار نے حماس کے سربراہ اسماعیل ہنیہ کے ساتھ آخری ملاقات کو خوشگوار قرار دے دیا۔ اپنے ایک بیان میں نائب وزیراعظم نے اسماعیل ہنیہ کی شہادت پر افسوس کا اظہار کیا۔ انہوں نے کہا کہ انہیں شہید فلسطینی رہنما کے پیار سے لبریز جذبات پوری زندگی یاد آتے رہیں گے۔اسحاق ڈار نے مزید کہا کہ اللہ رب العزت اسماعیل ہنیہ کی مغفرت فرمائے۔ انہوں نے منگل کو اسماعیل ہنیہ کے ساتھ تہران میں ہونے والی مختصر ملاقات کو یادگار اور حد درجہ خوشگوار قرار دیا۔

کریڈٹ: انڈیپنڈنٹ نیوز پاکستان-آئی این پی