ڈسٹرکٹ اینڈ سیشن کورٹس اسلام آباد نے سائبرکرائم میں ملوث مجرم کو مجموعی طور پر 8 سال قید اور 2 لاکھ روپے جرمانے کی سزا دے دی۔تفصیل کے مطابق اسلام آباد کی ڈسٹرکٹ اینڈ سیشن عدالت نے غیر قانونی گیٹ وے ٹرانسمیشن ایکسچینج میں ملوث ہونے کا جرم ثابت ہونے پر قیصر عارف کو مجموعی طور آٹھ سال قید اور دو لاکھ روپے جرمانے کی سزا سنائی۔سزا سینئر سول جج اور جوڈیشل مجسٹریٹ محمد عباس شاہ نے سنائی، مجرم کو پی ٹی اے ایکٹ 1996، ای ٹی او 2002 اور پی پی سی کے تحت سزا سنائی گئی ہے، مجرم کے خلاف ایف آئی اے سائبر کرائم سرکل پنڈی میں 2013 میں مقدمہ درج ہوا تھا۔ مجرم قیصر عارف کا تعلق اسلام آباد سے ہے، جس کے خلاف تفتیش ایف آئی اے کی جانب سے انسپکٹر عالم شیر نے کی تھی، عدالتی دستاویز کے مطابق مجرم کو سزا میں 382-B کا فائدہ بھی دیا گیا ہے، یعنی جیل میں گزارا گیا وقت بھی سزا میں شمار ہوگا۔

کریڈٹ : انڈیپنڈنٹ نیوز پاکستان-آئی این پی