اسلام آباد پولیس میں مزید تبادلوں کا فیصلہ کر لیا گیا، ڈیپارٹمنٹ میں ڈپٹی انسپکٹر جنرل(ڈی آئی جی) سے محرر تک اکھاڑ پچھاڑ ہو گی۔ ڈی آئی جی آپریشنز کے عہدے پر تعیناتی کے لیے لاہور سے علی رضا کو لایا جا رہا ہے جبکہ ایس ایس پی آپریشنز جمیل ظفر کو بھی تبدیل کیا جائے گا۔ نجی ٹی وی کے مطابق ایس ایس پی آپرینشز کے لیے بلوچستان سے ایک پی ایس پی آفیسر کو تعینات کیا جائے گا جبکہ حسن سردار احمد خان کو ایس ایس پی لا اینڈ آرڈر تعینات کردیا گیا۔ اسی طرح ایس پی سوہان اصغر علی کو تبدیل کر کے ایس پی وزیراعظم ہاس تعینات کر دیا گیا جبکہ خیبرپختوانخو صوبے سے واپس تبدیل ہونے والے ایس ایس پی یاسر آفریدی کو بھی اہم عہدے پر تعینات کیا جائے گا۔ تھانوں کی سطح پر ایس ایچ اوز اور تفتیشی افسران کو ڈویثرن کی سطح پر تبدیل کیا جائے گا، تھانوں کے تمام محرر اور نائب محرر بھی تبدیل کردیئے جائیں گے۔

کریڈٹ: انڈیپنڈنٹ نیوز پاکستان-آئی این پی