اسلام آباد میں کیپٹن کرنل شیر خان شہید روڈ پر نامعلوم افراد کی فائرنگ سے پولیس کانسٹیبل شہید ہوگیا۔ فائرنگ کا واقعہ کیپٹن کرنل شیر خان شہید روڈ پر گندم گودام کے قریب پیش آیا، مقتول عنصرمحمود کی لاش پمز منتقل کردی گئی ہے۔ آئی جی اسلام آباد پولیس اور دیگر حکام نے اسپتال پہنچ کر واقعے کی معلومات حاصل کیں۔ واقعے کی تحقیقات کیلئے ایس ایس پی انوسٹی گیشن کی سربراہی میں خصوصی تفتیشی ٹیم تشکیل دیدی گئی۔ تحقیقاتی ٹیم کو وقوعہ کی ہر زاویئے سے تفتیش کرنے کی ہدایت کی گئی ہے۔ پولیس کا کہنا ہے بظاہر رہزنی کی واردات لگتی ہے، جس میں مزاحمت پر کانسٹیبل عنصر محمود کو گولی ماری گئی۔

کریڈٹ: انڈیپنڈنٹ نیوز پاکستان-آئی این پی