اینٹی کرپشن سرکل اسلام آباد نے کارروائی کرتے ہوئے خود کو سپریم کورٹ کے جج کا پرسنل اسٹاف ظاہر کرنیوالا ملزم گرفتار کرلیا گیا،اینٹی کرپشن سرکل اسلام آباد نے بڑی کارروائی کرتے ہوئے جعلساز کو گرفتار کرلیا،حکام کے مطابق ملزم بلال شعیب خود کو سپریم کورٹ کے جج کا پرسنل اسٹاف اور ڈسٹرکٹ جج ظاہر کرتا تھا، جس نے ایک شہری سے سرکاری نوکری دلوانے کا جھانسہ دیکر 21لاکھ روپے کی خطیر رقم وصول کی،حکام کا کہنا ہے کہ گرفتار ملزم نے مختلف طالبات سے اسکالرشپ کے نام پر بھی پیسے وصول کئے، جس کے قبضے سے پمفلٹس، ڈائریز، فائلیں اور متعدد مہریں برآمد ہوئی ہیں جبکہ جھنڈے اور کئی جعلی سروس بکس بھی قبضے میں لے لی گئیں،حکام کے مطابق بلال شعیب خود کو مختلف اداروں کے سربراہ کے طور پر بھی پیش کرتا اور لوگوں سے رقوم وصول کرتا تھا۔

کریڈٹ: انڈیپنڈنٹ نیوز پاکستان-آئی این پی