i پاکستان
اسلام آباد ہائیکورٹ کا حکم، لاپتا شہری گھر پہنچ گیا، بازیابی کے بعد درخواست واپس لے لی گئیتازترین
July 23, 2024
اسلام آباد ہائی کورٹ کے شہری کی بازیابی سے متعلق حکم کے بعد لاپتا شہری گھر پہنچ گیا۔ لاپتا شہری سمیع اللہ کے گھر واپس آ جانے پر بازیابی کے لیے اسلام آباد ہائی کورٹ میں دائر درخواست واپس لے لی گئی۔ سمیع اللہ کے اسلام آباد کے تھانہ سنگجانی کی حدود سے لاپتہ ہونے پر درخواست دائر کی گئی تھی۔ اسلام آباد ہائیکورٹ نے اِس کیس میں آئی جی پولیس کی کارکردگی کو ناقص قرار دیتے ہوئے آئی جی اسلام آباد کو سمیع اللہ کو بازیاب کرانے کیلئے 3 دن کا وقت دیا تھا۔ جسٹس محسن اختر کیانی نے لاپتا شخص کے بازیاب نہ ہونے کی صورت میں آئی جی اسلام آباد کے خلاف مقدمہ درج کرنے کا حکم دیا تھا۔
کریڈٹ: انڈیپنڈنٹ نیوز پاکستان-آئی این پی
متعلقہ خبریں
