اسامہ ستی قتل کیس میں سزا یافتہ 2 پولیس اہلکاروں نے ٹرائل کورٹ کا فیصلہ چیلنج کردیا، سزائے موت پانے والے 2 اہلکاروں نے اسلام آباد ہائیکورٹ میں اپیل دائر کر دی۔ تفصیلات کے مطابق پولیس اہلکاروں کی اپیل پر اسلام آباد ہائیکورٹ کا 2رکنی بینچ آج سماعت کرے گا، جسٹس محسن اختر کیانی اور جسٹس طارق محمود جہانگیری بینچ کا حصہ ہوں گے۔ دونوں اہلکاروں نے درخواست میں استدعا کی ہے کہ ٹرائل کورٹ کا فیصلہ قانون سے متصادم ہے، کالعدم قرار دیا جائے، ٹرائل کورٹ کی طرف سے سنائی گئی سزا کو ختم کر کے مقدمے سے بری کیا جائے۔

کریڈٹ: انڈیپنڈنٹ نیوز پاکستان-آئی این پی