اوکاڑہ کے نواحی گائوں 31 جی ڈی میں گھرکے کمرے میں آگ لگ گئی،جس کے نتیجے میں تین معصوم بہن بھائی جاں بحق ہوگئے ۔ مقامی لوگوں اور ریسکیو اہلکاروں نے آگ پر قابو پاکر لاشوں کو ہسپتال پہنچایا، جاں بحق ہونے والوں میں 2 بھائی اور ایک بہن شامل ہے۔ریسکیو حکام کے مطابق میاں بیوی دوائی لینے گئے ہوئے تھے، بچے گھر میں سوئے ہوئے تھے۔وزیراعلی پنجاب مریم نواز شریف نے اوکاڑہ کے نواحی گائوں میں آتشزدگی سے تین بچوں کے جاں بحق ہونے پر گہرے غم اور دکھ کا اظہار کیا اور سوگوار خاندان سے اظہار ہمدردی و تعزیت کیا۔مریم نواز شریف نے واقعہ کا نوٹس لیتے ہوئے کمشنر ساہیوال سے رپورٹ طلب کر لی۔

کریڈٹ: انڈیپنڈنٹ نیوز پاکستان-آئی این پی