احتساب عدالت نے القادر ٹرسٹ کیس میں چیئرمین پی ٹی آئی عمران خان کی اہلیہ بشری بی بی کی عبوری ضمانت منظور کر لی۔ بشری بی بی عمران خان کے ہمراہ احتساب عدالت راولپنڈی پہنچیں جہاں احتساب عدالت کے جج محمد بشیر نے درخواست ضمانت کی سماعت کی، بشری بی بی کی کمرہ عدالت میں حاضری لگائی گئی۔بشری بی بی کے وکیل خواجہ حارث جج محمد بشیرکی عدالت میں پیش ہوئے ۔کس لیے آئے ہیں،جج کا خواجہ حارث سے مکالمہ،وکیل خواجہ حارث نے کہا بشری بی بی کی درخواست ضمانت کیلیے آیاہوں،جج نے ریمارکس دیتے ہوئے کہا اسی لیے پولیس کی نفری لگائی گئی ہے۔ وکیل خواجہ حارث کا کہنا تھا کہ بشری بی بی کو کوئی نوٹس موصول نہیں ہوا۔ بعدازاں عدالت نے بشری بی بی کی 31 مئی تک عبوری ضمانت منظور کرتے ہوئے نیب سے جواب طلب کرلیا۔احتساب عدالت نے 5لاکھ روپے مچلکوں کے عوض عبوری ضمانت منظورکی ہے۔

کریڈٹ: انڈیپنڈنٹ نیوز پاکستان-آئی این پی